Тенисерките по стапките на мажите, го менуваат ФЕД лупот
ФЕД купот ќе претрпи измени во форматот на натпреварување, и ќе биде идентично како машкиот Дејвис Куп. И кај тенисерките, ќе има завршен турнир на кој ќе настапуваат 12 репрезентации, а финалниот турнир ќе се игра во април месец.
Од 2020 до 2022 година натпреварувањето ќе се одржува во Будимпешта на земјена подлога. Предвидено е квалификациите да се одржуваат во февруари, а во нив ќе учествуваат 16 репрезентации.
– Се консултиравме со акционерите и работевме заедно со здружението на тенисерки и со ВТА за да бидеме сигурни дека новиот формат ќе биде интересен за сите – изјави Дејвид Хагерти, претседателот на Светската тениска федерација (ИТФ).
Осумте победници од квалификациите ќе се приклучат на завршниот турнир на финалистите од годинава, Франија и Австралија, домаќинот Унгарија и една земја која ќе добие специјална покана. Наградниот фонд на натпреварувањето кое ќе го носи името „Светско првенство во тенис ФЕД куп“ ќе изнесува 18 милиони долари.