Тен Хаг ги казни фудбалерите на Манчестер јунајтед
Менаџерот на Манчестер јунајтед, Ерик тен Хаг со вонреден тренинг ги казни своите по поразот од Брентфорд со резултат 4:0 во рамките од второто коло на Премиер лигата, пренесуваат британските медиуми.
Клубот од „Олд Трафорд“ ја започна новата сезона со два порази од Брајтон и Брентфорд. Холандскиот стручњак ги обвини фудбалерите за неуспесите и ги повика да преземат одговорност.
Тен Хаг одлучил да го откаже слободниот ден, кој беше закажан за недела. Менаџерот на Јунајтед ги казни играчите со тоа што вчера ги натера да истрчаат 13,8 километри.
„Скај спорт“ потсетува дека фудбалерите на Брентфорд збирно истрчале 13,8 километри повеќе од „црвените ѓаволи“ на дуелот помеѓу двата клуба.
Во следното коло, на 22 август, составот на Тен Хаг на домашен терен го очекува дербито против Ливерпул.
По двата порази Тен Хаг размислува за заминување, управата на Јунајтед го излажала?!