Екипата на Ајакс доживеа болна елиминација од Тотенхем во полуфиналето на ЛШ, со голот на Моура во последната секунда од натпреварот. Тренерот на Ајакс, Ерик Тен Хаг, кој е еден од најзаслужните за одличните игри на екипата која до пласманот во полуфиналето елиминира два гиганти, Реал Мадрид и Јувентус, е разочаран што фантастичната сезона не ја крунисаа со пласман во финалето.

– Им кажав на играчите дека е тешко да се најдат вистински зборови во овие моменти, како и дека фудбалот може да биде суров. Ова е суровата страна на фудбалот која моравме да ја почувствуваме. Ваков пораз не може да се преболи за неколку часа или денови. Тоа нема да го барам од овие момчиња. Бевме многу блиску – рече Тен Хаг.