Темелковски даваше отчет и објасни зошто доцни изградбата на поликлиниката во Расадник што ја вети

За две години во Кисела Вода асфалтирани се улици во должина од 10 километри, а поплочени со павер елементи се улици во должина од 13 километри. Изградена е водоводна мрежа во должина од два километри, фекална канализациска мрежа во должина од еден километар, а се гради и атмосферска мрежа во должина од 5,2 километри. Изградени се и повеќе нови детски игралишта со реквизити, санирани се сите постојни детски и спортски игралишта, а големи реконструктивни зафати се одвиваа во речиси сите училишни објекти и градинки, рече денеска градоначалникот Филип Темелковски, давајќи отчет за сработеното во двегодишниот мандат.

Тој изрази жалење што и во 21 век се уште се зборува за изградба на атмосферска канализација и вети дека ќе се заложи до крајот на мандатот да има фекална канализациска мрежа во сите населени места.

Прочитајте и...  Трамп го одложува самитот на Г7

– Реконструирани се повеќе улици и нивни краци, меѓу кои „Сердарот”, „Саса” 32 во Пинтија, „Студеничанска”, „Иван Козаров” новопроектирана, крак на „Христо Татарчев”, „Славка Динкова”, „Саса 2″, пет крака од улицата „Малешевска”…Исто така во завршна фаза е реализацијата на капиталниот проект преку кој Општината гради атмосферска канализација во должина од 5.200 метри на улиците во населбата Пржино, а со тоа се подобруваат условите за живот на околу 3.500 жители – нагласи Темелковски.

– Интензивно се работеше и на зголемување на процентот на зелени површини во Општина Кисела Вода. На местото од некогашната депонија на улица „Герника” е изграден нов парк, уредено е парковското зеленило на улицата „Киро Фетак”, довршен е Паркот на бранителите и извршено е негово хортикултурно уредување – рече Темелковски.

Прочитајте и...  Во протестите во Калифорнија загина полицаец, друг е повреден

Тој апелираше да се чуваат парковите и детските игралишта. Додаде дека реализирале повеќе еколошки акции, засадиле дрвца низ целата општина, а изработен е и Катастар на загадувачи од Општина Кисела Вода.

Од идните големи проекти Темелковски ги издвои изградбите на две нови градинки, една во Драчево, за која има добиено грант од Министерството за труд и социјална политика, и втора, која општината самостојно ќе ја гради во населбата 11 Октомври згради, која ќе има површина од 1.200 квадратни метри и капацитет за 200 деца, како и изградбата на Поликлиника, која им беше ветена на граѓаните уште за време на предизборната кампања.

– Изградбата на поликлиниката ќе започне веднаш штом се изгласа новиот ДУП, а до крајот на мандатот очекувам истата да биде изградена. Донесувањето на ДУП-от се одолговлекува поради големината на површината (110.000 хектари), но и поради законските пречки поради не функционирањето на општините во 2016 година, пред одржувањето на локалните избори – објасни Темелковски.

Прочитајте и...  Продолжуваат судирите меѓу демонстрантите и полицијата ширум САД

Од идните проекти, Темелковски најави дека веќе е распишан тендер за избор на фирма изведувач за реконструкцијата на патот кон верско-рекреативниот центар „Три круши”, кој ќе добие и целосно ново осветлување.

Доделени се преку 700 ваучери за новороденчињата од Општина Кисела Вода. Обезбедено е и огревно дрво за социјално ранливите семејства, решени  се 8.859 предмети за легализација на дивоградби.

 

Прочитај повеќе

Папата ги повика светските лидери да даваат пари за истражување, а не за оружје

МИА Агенција

Ангеловска: Остварувањето на буџетските приходи е 12,7 милијарди денари

МИА Агенција

Спасовски: Изборите треба да се одржат на 5 јули

МИА Агенција

Рестриктивните мерки зависат најмногу од граѓаните, смета Спасовски

МИА Агенција

Спасовски: Комисијата за заразни болести да го разгледа прашањето за отварање на границите

МИА Агенција

Тимоние: Потребна е политичка одлука за изборите

МИА Агенција

Остави Коментар

Прочитај повеќе

Протести против расизмот и во Канада

МИА Агенција

Филипче: Продолжуваме да го зајакнуваме јавното здравство

Слободен печат

Реакција на Ивица Дачиќ откако Приштина забрани увоз на стока без натпис „Република Косово“

Горан Наумовски

Бројот на заразени со коронавирусот во Русија надмина 400.000

МИА Агенција

Трамп: Ова е само почеток, ќе летаме и на Марс

МИА Агенција

Казнети 673 граѓани за не носење лична заштита на лице

Слободен печат