Темелковски: Архивата на Општината на безбеден начин ќе прима предмети од странки секој работен ден од 8 до 16 часот
Вработен во Општина Кисела Вода е заразен со вирусот Ковид-19, а неколку негови колеги се во изолација.
На состанокот од страна на членовите на кризниот штаб беа разгледани можните ризици заради настанатата ситуација, а беа донесени и важни препораки како за вработените така и за жителите на Општината.
Градоначалникот на Кисела Вода, Филип Темелковски за „Утрински брифинг“ на „Слободна ТВ“ изјави дека од Центарот за јавно здравје се добиени препораки за понатамошно постапување.
-Архивата на Општината на безбеден начин ќе прима предмети од странки и истата непречено ќе работи секој работен ден од 8:00 до 16:00 часот. Локалната самоуправа за своите вработени набави и им подели заштитни маски кои ќе биде потребно задолжително да ги носат во своите канцеларии, изјави Темелковски.
Ќе продолжи дезинфекцијата во општината.
-Дезинфекцијата на општинските канцеларии, влезовите станбените згради, автобуските постојки, градинките и училиштата ќе продолжи да се одвива, како и во зградите во кои живее некој заболен или пак каде што има лица во карантин, додаде Темелковски.