Новоизбраниот американски претседател, Џо Бајден денеска планира да одржи говор посветен на економијата на САД. Обраќањето, што ќе биде неговата родна држава Делавер, е едно од серијата на негови постизборни говори што ќе биде поврзано со проблемите со кои се соочува земјата. 

Според неговиот тим за транзиција, и Бајден и Камала Харис, сенатор од Калифорнија и потпретседателка на САД, пред обраќањето во Вилмингтон, Делавер, ќе бидат брифирани околу економијата. 

– Во својот говор Бајден ќе се фокусира на економската обнова и на производството во САД во долгорочна перспектива, изјавија од неговиот тим, пренесе „Вашингтон пост“. 

Од друга страна претседателот Доналд Трамп нема закажано настани за денеска. Единствениот настан соопштен од Белата куќа е ручек со потпретседателот Мајк Пенс.