Телефонски разговор помеѓу Путин и Меркел за договорот од Минск и состојбата во Либија
. Во овој контекст, е потенцирана важноста за целосно и безусловно спроведување на пакетот мерки и решенија усвоени на средбите на врвот на Нормандиската четворка, вклучително и во Париз на 9 декември 2019 година.
Рускиот претседател Владимир Путин и германската канцеларка Ангела Меркел за време на телефонскиот разговор се осврнаа на повеќе актуелни прашања во билатералните односи, вклучувајќи ја и взаемната соработка во борбата против ширењето на новиот коронавирус, соопшти Кремљ.
Двајцата лидери го потврдија недостигот на алтернатива на договорот од Минск, како единствена основа за решавање на внатрешноукраинскиот конфликт
. Во овој контекст, е потенцирана важноста за целосно и безусловно спроведување на пакетот мерки и решенија усвоени на средбите на врвот на Нормандиската четворка, вклучително и во Париз на 9 декември 2019 година. Путин и Меркел изразија поддршка за активирање на работата во таа насока со помош на лидерите на Русија, Германија, Франција и Украина, се наведува во соопштението.
– Владимир Путин и Ангела Меркел разговараа и за ситуацијата во Либија. Тие се согласија околу потребата да се надмине кризата во оваа земја, исклучиво преку политички и дипломатски методи и да се воспостави меѓулибиски дијалог, како што е предвидено во одлуките на Берлинската конференција од 19 јануари 2020 година и нивно гарантирање со Резолуцијата 2510 на Советот за безбедност на ОН, соопшти Кремљ.