Телефонски разговор на Заев и Хан: Институциите се должни без одлагање да ги расчистат актуелните случаи – Слободен печат
ВестиМакедонија

Телефонски разговор на Заев и Хан: Институциите се должни без одлагање да ги расчистат актуелните случаи

Премиерот Заев ја потврдил цврстата одлучност на Владата за целосно и неселективно расчистување на сите случаи на висока корупција уверувајќи го комесарот Хан дека се создадени услови за институциите од судството и обвинителството активно и непречено да се борат против криминалот и корупцијата.

Вчера попладне премиерот Зоран Заев имал телефонски разговор со комесарот на ЕУ за преговори, добрососедство и проширување, Јоханес Хан, информираат од Влада.

Во текот на разговорот премиерот Заев го информирал еврокомесарот Хан за напорите и мерките кои Владата активно и интензивно ги презема за борба против корупцијата и организираниот криминал, вклучувајќи го и случајот „Рекет“.

Премиерот Заев ја потврдил цврстата одлучност на Владата за целосно и неселективно расчистување на сите случаи на висока корупција уверувајќи го комесарот Хан дека се создадени услови за институциите од судството и обвинителството активно и непречено да се борат против криминалот и корупцијата, соопштуваат од Влада.

Премиерот Заев и комесарот Хан се согласија дека институциите на системот се должни во брза и ефикасна постапка да ги расчистат актуелните случаи, но и без одлагање да ги процесуираат предметите кои произлегуваат од незаконското прислушување од минатото.

Премиерот Заев и комесарот Хан, исто така заклучиле дека мора да продолжат напорите на политичките партии за усвојување на Законот за јавно обвинителство, како и дека заедничка цел на сите политички фактори треба да биде позитивна одлука за почеток на преговорите на ЕУ со Македонија во октомври оваа година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close