Телефонски измами: Половина од лажните кол центри се сместени во руските затвори
Речиси половина од сите лажни телефонски центри се наоѓаат во затворите, рече заменик претседателот на Сбербанк Станислав Кузњецов за весникот известија.
„На луѓето не им се јавуваат злонамерни поединци, туку вработени во професионални кол-центри, а меѓу нив 40 до 50 отсто се во затворите. Забележавме дека измамници има во речиси секоја трета казнено – поправна институција во Русија“, рече тој.
Споре Кузњецов, еден телефонски центар од 50 „вработени“ упатува околу 20.000 повици неделно, а во половина од случаите претплатникот се јавува на телефон. Околу 70 отсто од нив одбиваат да разговараат, а измамниците продолжуваат да работат со останатите 30 отсто. Нивниот вкупен приход, според неговите зборови, се движи најмногу до 75 милиони рубљи месечно (околу 817 илјади евра).
Коментирајќи ги можните начини за решавање на вакви „подземни“ позивни центри, Кузњецов рече дека парламентот разгледува предлог закон кој вклучува исклучување на комуникациските станици преку оператори на барање на Сојузната служба за управување со казнениот систем.