Телефоните „прегорени“, столче ни за лек: Фризерските салони во Солун без слободен термин до Божик
Во наредните десет дена, поточно до Божиќ, нема слободен термин во фризерските салони во Солун, вели претседателот на Здружението на бербери и фризери од Солун и околината, Павлос Коловос, јави дописничката на МИА од Атина.
Фризерските салони и берберниците беа последни што затворија пред почетокот на карантинот во Грција, а се отворија вчера по повеќе од еден месец и заедно со книжарниците и центрите за техничка проверка на возила се единствените бизниси во земјата што се отворени.
Претседателот на Здружението на бербери и фризери од Солун вели дека нивните телефони ѕвонат без прекин, агендите со термини им се полни, а најчестиот „проблем” е тоа што сите клиенти сакаат да бидат први, бидејќи сметаат дека така ќе бидат позаштитени од коронавирусот.