Тел Авив: Илјадници демонстранти бараа соживот на Евреите и Арапите
Илјадници демонстранти синоќа излегоа на улиците на Тел Авив барајќи соживот на Евреите и Арапите.
Демонстрациите во Тел Авив се само еден од протестите во бројни градови во Израел, со кои се бара мир меѓу Израелците и Палестинците по 11 дена вооружени конфликти.
Лидерот на највлијателната арапска партија во Кнесетот, Ајман Одех, повика на формирање палестинска држава покрај Израел.
– Овде живеат два народа и двата имаат право на самоопределување – рече Одех.
Познатиот израелски писател Дејвид Гросман истакна дека „битката што се води денес не е борба меѓу Арапите и Евреите, туку меѓу оние кои од двете страни се обидуваат да живеат во мир и во чесна соработка и оние кои и на едната и на другата страна се хранат со омраза и насилство”.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот