13 C
Скопје

Текстилниот сектор на удар од пандемијата: Фрчат откази, откако ќе завршат договорите на определено време

Зголемен е бројот на нови невработени лица во текстилниот сектор, кои биле одјавени од задолжителното социјално осигурување во речиси сите општини. Според податоците на Здружението за истражување и анализи (ЗМАИ), петте општини со највисок пораст на невработеноста се: Штип, Тетово, Скопје, Прилеп и Куманово. Во нив, текстилната индустрија е најразвиена и има најмногу активни субјекти во овој сектор. Кај младите лица до 29 години, бројот на невработени исто така се зголемува. Петте општини со највисок пораст на невработеноста кај младите се: Штип, Струмица, Радовиш, Прилеп и Кочани.

– Најчест основ за прекинување на работниот однос во текстилната индустрија, во последните 5 години е истекот на определено време. Во 2020 година овој основ бележи раст од 123 проценти. Во овој период најголем раст за раскинување на договорот за вработување е присутен кај основот отказ на работодавачот и истиот изнесува 174 проценти, стои во анализата на ЗМАИ.

Прочитајте и...  Матичната собраниска комисија ја усвои Предлог-одлуката за продолжување на рокот за кризна состојба

Најчестата причина за престанок на работниот однос во текстилната индустрија кај младите до 29 години, пред и за време на кризата е истекот на определено време. Порастот на овој основ во 2020 година во споредба со 2019 година е 165 проценти. Сепак најдоминантен пораст за престанок на работниот однос во 2020 во споредба со 2019-та е  отказ од работодавачот со 234 проценти, а потоа следат отказите од самите работници со пораст од 225 проценти.

Текстилната индустрија во вкупното производство на државата учествува со 12,82 отсто, вработува над 37.000 работници, а уделот во вкупниот извоз е околу 10 проценти.

Поврзани вести

Ивановска: Уставните судии се должни да ги почитуваат членовите од законот кои се однесуваат на судирот на интереси

Слободен печат

Навални е многу слаб, адвокатите бараат тој да биде пренесен во цивилна болница

Слободен печат

Богоевски: Прашањето со легализација на марихуаната се сведува на политичка борба помеѓу премиерот Заев и ВМРО-ДПМНЕ

Слободен печат

Фрчат кривични пријави за дело со кое се овозможи плата за илјадници граѓани

Возраста поважна од здравствената состојба – Хронично болните и лицата со ретки болести на опашката од редот за вакцинација

Слободен печат

Албанија: Комитетот на експерти објави дека заразените и лицата со симптоми нема да гласаат

Слободен печат

Остави Коментар