Техеран: Секој американски брод што претставува закана за Иран ќе биде уништен

Иран се закани со уништување на „терористичките” американски сили, кои ја загрозуваат безбедноста во водите на Персиски Залив.

– Секој американски брод, воен или цивилен, што претставува закана за Иран ќе биде уништен, изјави командантот на Иранската револуционерна гарда, генерал Хосеин Салами.

Тој додаде дека безбедноста на Персиски Залив е најголем стратешки приоритет на Иран.

Изјавата на генерал Салами уследи по низата закани од американскиот претседател Доналд Трамп кон официјален Техеран.

– Наредив морнарицата на САД да пука и уништи какви било ирански бродови што ги вознемируваат нашите бродови, напиша пред два дена Трамп на својот профил на Твитер, по еднонеделните тензии во Персиски Залив.

минатата среда американската армија објави дека 11 бродови на Иранската револуционерна гарда неколкупати се приближиле до воени воени бродови во Персиски Залив на „опасен и вознемирувачки” начин. Инцидентот, наводно, се случил во меѓународните води за време на вежба во која учествувале хеликоптери Апачи.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот