Отежнат сообраќај, нарушен воздушен сообраќај, затворени училишта, обилни снежни врнежи ги зафатија улиците на Техеран, со што се отежна животот на жителите во градот, соопштија градските власти.

Снегот започна да паѓа во раните утрински часови, а набрзо потоа се наруши сообраќајот во главниот град на Иран.

-Знаевме дека снегот ќе започне да паѓа во текот на ноќта и дека тоа ќе влијае на сообраќајот во градот- рече началникот на сообраќајната полиција во Техеран, Мохамадрез Мехмандар, на државната телевизија.

Летовите или доцнат или се откажани

Поради обилниот снег, сите училишта во главниот град и во некои околни провинции се затворени.

Снежните врнежи го нарушија и воздушниот сообраќај на Меѓународниот аеродром Мехрабад кај Техеран, каде до пладне скоро сите летови беа одложени или откажани.

-Воздушниот сообраќај функционираше нормално на меѓународниот аеродром „Имам Хомеини“- рече Мехмандар.

Обилниот снег во областа Техеран и северните провинции ќе продолжи да паѓа до утре.