Театар „Пи“ освои две награди на ФАТ 2022 во Софија

Театарот „Пи“ од Скопје, предводен од актерите Златко Митрески и Македонка Илиевска, во период од 16 до 18 декември 2022 година гостуваше во Софија, Бугарија.

Тие гостуваа на софискиот Фестивал на авторски театар – ФАТ 2022 со претставата „Ништо не е страшно“ и освоија две награди во голема конкуренција на професионални театри, како „Сатиричниот театар Софија“, „Театар 199“, „Вокс попули“, „Театар Драмеди“ и други.

Првата награда е за најдобра режија за Златко Митрески и Македонка Илиевска за претставата „Ништо не е страшно“, а втората за синергија за актерската игра во истата претстава. Во претставата учествуваат лица со интелектуална попреченост од ЦПЛИП „Порака“ – Скопје.

ФАТ е еден од најавтентичните фестивали за авторски театар на Балканот, кој се одржува во Регионалниот центар за современа уметност „Топлоцентрала“ во Софија и е во организација на здружение „Творци“ и Театар „Драмеди“.

На фестивалот актерот Златко Митрески одржа театарски работилници за методот и начинот на создавање на авторски театар, како и проекција на документарниот филм на Театар „Пи“, „Прозорците што се смеат“.

Гостувањето на Театар „Пи“ се одржа благодарение на организаторите на ФАТ 2022, КИЦ на РСМ и д-р Сашко Насев, „Адора инженеринг“ од Скопје и претставништвото на „Витаминка“ од Прилеп во Софија, како и Градоначалникот на скопската општина Ѓорче Петров, Александар Стојкоски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот