Со голема тага и болка ве известуваме дека вчера ненадејно нè напушти нашиот Тобого, пишува во постот на Фејсбук профилот на Зоолошка градина Скопје.
– Денеска беше направена обдукција при што не беа констатирани физички повреди и во наредните денови ги очекуваме целосните резултати. Жирафата Тобого заедно со Каспер и Флопи беше меѓу омилените жители на скопската зоолошка. Тој беше миленик на вработените и на посетителите, истакнуваат од ЗОО Скопје.
Тобого е роден во Франкфурт на 9 декември во 2010 година, а жител на ЗОО Скопје беше од 5 ноември во 2013 година.
– Сите сме неизмерно тажни и со скршени срца поради неговото заминување. Трчај во небесната савана Тобого, многу ќе ни недостасуваш на сите, но ќе останеш засекогаш запаметен. RIP 2010-2021, се додава во постот на ЗОО Скопје на Фејсбук.
Видео на денот