Тава со кромид и свинско месо
Состојки:
3-4 свински шницли
2 помали главици кромид
3 моркови
500 грама шампињони
2 компира
1 помал рендан домат или доматно пире
масло за јадење
оригано
сол
црн бибер
куркума
5 супени лажици павлака
Подготовка:
Најпрвин целиот зеленчук се сечка ситно. Шницлите со кујнски чекан се чукаат убаво за да омекнат, а потоа се сечкаат на помали парчиња.
Откако намирниците ќе ви бидат иситнети, во тава на оган ставете го кромидот да се пржи. Пржете го додека не омекне, а потоа во тавата додајте го и ситно исечканото месо и морковите. Пржете неколку минути, а потоа додајте ги и печурките, ситно исечканиот компир како и доматот (или доматното пире). Пржете уште неколку минути, а потоа додајте ги потребните зачини и малку вода.
Оставете ја храната убаво да се издинста.
На крај, тавата со омекнатите намирници тргнете ја од оган и додајте ја павлаката. Убаво измешајте и префрлете ги состојките во тава за печење.
Печете во претходно загреана рерна на температура од 200 степени околу 40 минути.