ТАВ на готовс – се чекаат вакцините против ковид-19

Најмладиот пациент кој почина вчера од ковид-19 во нашата држава има само 42 години, покажува статистиката од Министерството за здравство. Спасот сите го гледаме во вакцините, кои се најавени од сите страни. Министерот за здравство Венко Филипче на вчерашната прес-конференција изјави дека склучиле договор со Бугарија, при што од секоја количина на вакцини што ќе ја добива земјата, одреден дел ќе добива и Македонија.

Покрај Бугарија најава за донација имаме и од Грција и од Полска. Директна количина на вакцини од Фајзер ќе се добие во втора половина на 2021 година, бидејќи Македонија е мал пазар, додека конечен одговор од АстраЗенека сè уште нема, рече министерот.

Филипче: Вакцини директно од Фајзер може да очекуваме во втора половина на 2021 година

Вчера во Македонија починаа 26 лица, седум пациенти од Скопје (42, 65, 74, 83, 69, 80 и 86г), двајца од Куманово (87 и 52г), еден од Дебар (80г), пет од Прилеп (65, 79, 65, 61 и 76г), еден од Струга (62г), двајца од Битола (77 и 69г), четири пациенти од Охрид (62, 70, 57 и 81г), еден од Свети Николе (65г), двајца од Кичево (64 и 77г) и еден пациент од Неготино (74г). Од нив двајца се починати вон, останатите се починати во болнички услови.

Прочитајте и...  МВР приведе две лица по пукањето во коешто беше повреден синот на поранешниот реис на ИВЗ

Министерството за здравство информираше дека во последните 24 часа се направени 2562 тестирања, а регистрирани се 758 нови случаи на ковид-19.

Починаа 26 лица од ковид-19, новозаразени 758 граѓани

Вкупната бројка на ковид дијагностицирани во нашата земја од почетокот на епидемијата изнесува 79.190, бројката на оздравени пациенти е 56.099, на починати е 2.340, а бројот на активни случаи изнесува 20.751, покажуваат последните податоци од Министерството за здравство.

Скопје и натаму е град со најмногу регистрирани лица позитивни на ковид-19.

На предлог на Министерството за здравство, Владата вчера ја разгледа и усвои Информацијата за вакцинацијата против ковид-19 и ги задолжи Министерството за внатрешни работи, Агенцијата за лекови и медицински средства (МАЛМЕД), Царинската управа и Министерството за здравство во рок од 7 (седум) работни дена да изготват и достават до Министерството за здравство сопствени акциски планови (активност, надлежна внатрешна организациона единица, овластено лице/овластени лица, рокови) и стандардни оперативни процедури (СОП) за прием, физичко обезбедување, чување, дистрибуција и аплицирање на вакцините против ковид-19, согласно нивната надлежност и нивната улога во спроведувањето на Националниот план за вакцинација против ковид-19.

Овие институции добија задолженија за изработка акциски планови за прием и чување на вакцините против ковид-19

Владата, исто така, му препорачува на ТАВ Македонија ДООЕЛ Скопје во рок од 7 (седум) работни дена да изготви и достави до Министерството за здравство сопствен акциски план (активност, надлежна внатрешна организациона единица, овластено лице/овластени лица, рокови) и стандардни оперативни процедури (СОП) за прием, физичко обезбедување, чување, дистрибуција и аплицирање на вакцините против ковид-19.

Прочитајте и...  Д-р Бабачиќ: Лани починале околу 4.500 луѓе повеќе од вообичаениот годишен просек

Министерството за финансии и Бирото за јавни набавки, во соработка со Министерството за здравство, во рок од најдоцна 5 (пет) дена треба да изготват Предлог на закон за изменување и дополнување на Законот за јавните набавки со што ќе се овозможи плаќање на аванс поголем од 20% од цената и ослободување од обврската за обезбедување банкарска гаранција за авансно плаќање во постапките за јавни набавки директно поврзани со справувањето со епидемии и пандемии на заразни болести.

Владата донесе одлука за забрана на летови од Велика Британија и Северна Ирска

Пред два дена Владата донесе Одлука за забрана на сите авионски летови од Велика Британија и Северна Ирска во Република Северна Македонија до крајот на 2020 година. Одлуката е донесена врз основа на препораката на Комисијата за заразни болести.

Прочитајте и...  Архитектите во одбрана на ресторанот „Парк", бараат запирање на постапката до целосен увид во документација

Владата ја дополни одлуката за спречување на ширењето на ковид- 19 со обврска за секој патник од Велика Британија и Северна Ирска што влегува во земјата на било кој граничен премин задолжителниот карантин во домашна изолација да ги спроведува врз основа на изјава која ќе ја пополнува на граничниот премин при влез во земјата, а патниците што транзитираат имаат обврска земјата да ја напуштат во рок 24 часа.

Поврзани вести

ВИДЕО+ФОТО I  Руски дипломати ја напуштија Северна Кореја туркајќи вагонче од воз

Слободен печат

ВИДЕО: Воздушниот напад на Бајден врз Сирија – симболичен гест, вовед во војна или нешто друго?

Слободен печат

Родителите на исчезнатите млади момчиња апелираат до Вучиќ да не објавува фотографии и снимки од монструозните убиства на кланот на Веља Невоља

Слободен печат

ВИДЕО | Забавата поради која Неделковски и Пандов завршија во полиција

Слободен печат

Маричиќ потврди дека Русковска е обвинителот со кој се сретнал во петокот

Слободен печат

Амбасадорот Коснет ја потврди поддршката на САД за ЕУ ​​во дијалогот Белград-Приштина

Слободен печат

Остави Коментар