Таткото на Моника пријавил дека бил нападнат од својата ќерка, таа вели дека сам се удирал во ѕид
Таткото на претепаната активистка Моника Ристеска-Конопова вчера во полиција пријавил дека таа го нападнала него со тврд предмет, наведено е во полицискиот билтен.
Таткото на Моника пријавил дека тој бил тепаниот, а таа тврди дека тој самиот се удирал во ѕид
Пред два дена, пак, таа на Фејсбук напиша уште еден статус и вели дека нејзиниот татко намерно се удирал во ѕид.
Таткото на претепаната активистка Моника Ристеска-Конопова вчера во полиција пријавил дека таа го нападнала него со тврд предмет, наведено е во полицискиот билтен.
-Вчера во 11:30 часот во полициската станица Ѓорче Петров, 65-годишниот С.Р. од Скопје пријавил дека на 26 мај околу 21:30 часот во семејниот дом на улицата Антон Чехов, по претходна расправија, бил физички нападнат со тврд предмет од неговата 31-годишна ќерка М.Р. Се преземаат мерки за расчистување на случајот- наведуваат во дневниот билтен од МВР.
Инаку, Моника Ристеска претходно за „Слободен печат“ го раскажа немилиот настан, при што објави фотографии со повреди и крв на лицето и напиша дека била нападната од татко ѝ додека се упатувала кон кујната да земе храна.
Таа вели дека татко ѝ е алкохоличар, ја нападнал со тупаници и ја удирал со дрвено столче од што ѝ е скршен носот и изместена вилицата.
-Пред да дојде полиција си ја лупал главата во ѕид, се самоповредил и глумел жртва, демек јас прва сум го нападнала, а тој мене од заседа ми се фрли“- напиша Моника.
Моника Ристеска: Татко ми ме претепа зашто бев да земам чипс од шкафчето во кујна