Tаткото на Борис Џонсон аплицира за француско државјанство

epa07645670 Stanley Johnson, father of Conservative leadership candidate Boris Johnson poses near the Houses of Parliament in London, Britain, 13 June 2019. Ten MPs are running for the party's leadership to replace the resigning Conservative Leader and Prime Minister. Candidates needed to secure at least 17 votes in the first round, eventually leading to a run-off between two Tory candidates. EPA-EFE/NEIL HALL

Таткото на британскиот премиер Борис Џонсон денеска изјави дека е во процес на аплицирање за француско државјанство за да ги одржи своите врски со Европската унија по Брегзит.

Стенли Џонсон, поранешен член на Европскиот парламент, кој гласаше на британскиот референдум во 2016 година за останување во Европската унија, за радиото РТЛ изјави дека сака да стане француски државјанин поради силните семејни врски со Франција.

– Ако добро разбирам, јас сум Французин. Мајка ми е родена во Франција, нејзината мајка е вистинска Французинка, како и нејзиниот дедо. Така, за мене, тоа е враќање на она што веќе го имав. И тоа многу ме радува, рече 80-годишниот Џонсон, кој зборуваше на француски јазик.

– Јас секогаш ќе бидам Европеец, тоа е сигурно. Никој не може да им каже на Британците: вие не сте Европејци. Важно е да се има врска со Европската унија, додаде тој.

Неговиот син Борис беше јавното лице на кампањата за излегување од ЕУ на референдумот во 2016 година и тврди дека Велика Британија може да „направи значителен напредок” како целосно независна нација надвор од , според него, премногу бирократската Европска унија.

Велика Британија официјално ја напушта Унијата вечерва, на полноќ.

Извор:МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот