Таравари: Со Курти ќе започне нов ден за Албанците во Косово
Ако во Косово и Метохија победи Движењето на Самоопределување и Аљбин Курти, за Албанците ќе „започне нов ден“, уверен е градоначалникот на Гостивар, Арбен Таравари.
Тој порачува дека „албанската пролет започнала“.
По престојот на Курти во Гостивар, Таравари на својот Фејсбук профил ги повикал Албанците да гласаат за Самоопределување, велејќи дека во Курти го гледа „лекот“ за заздравување на косовското општество и благосостојбата на сите Албанци.
Споредувајќи ја политиката со карцином, како една од најагресивните дијагнози, Таравари вели дека државните институции се вплеткани во криминал.
Добрата вест, како што вели тој, е што овој рак е се лечи, но додава дека за тоа е потребно единство, односно сите да се ангажираат.
„Поаѓајќи од Косово и продолжувајќи до Северна Македонија, акцијата започна, албанската пролет започна! Затоа, ги повикувам сите Албанци во Македонија да го поддржат Самоопределување во Косово. Со победа во Косово, тоа ќе биде најголемиот чекор кон спасување на нашите фамилии од карциномната власт која го загрозува нашиот живот. Нека победи Самоопределување во Косово, нека дојде нов ден за Албанците“, напишал Таравари на својот профил на Фејсбук.