„Не можеме да откриеме каде е ујдурмата, но дефинитивно има многу неважечки листови. Дефинитивно некој ги заокружувал гласачките ливчиња. Не знам како успеаја, но се надевам дека ќе ги победиме уште повеќе во вториот круг, обвини генералниот секретар на Алијанса за Албанците, Арбен Таравари во интервју за Сител. Како што вели тој, во првиот круг на локалните избори во Гостивар, според нивните математики и пресметки тој победил, но потоа се случило нешто што не можел да го објасни и за 30 гласа не поминал во првиот круг за градоначалник на општината.

Според Таравари имало многу неважечки листови, додека аргументите ќе видат обелоденети по 31 октомври

„ Ќе ги згазиме во вториот круг, па ако треба ќе одиме и на трет, на четврт круг. Полициската станица во Гостивар е претворена во втор штаб на ДУИ. Сите факти и аргументи ќе ги објавиме по 31 октомври, бидејќи ако ги објавиме претходно граѓаните ќе се згрозат. Овие снимки се испратени и до претседателот на државата, до министерот за внатрешни работи…Очекував барем од претседателот на државата да каже барем пола збор”, вели Таравари.