Тања Савиќ очајна откако маж ѝ ги однесе децата во Австралија без нејзино знаење: Пет дена не сум ги слушнала синовите
Пејачката Тања Савиќ веќе неколку месеци проживува вистинска семејна драма, откако нејзиниот сопруг Душан Јованчевиќ ги однел нејзините синови во Австралија без нејзино знаење.
Пејачката на Инстаграм сподели заедничка фотографија со синовите Максим и Ѓорѓе и напиша дека ѝ недостасуваат. Тања тврди дека Душан и неговото семејство не дозволуваат таа да комуницира со децата.
„Мои најголеми љубови. Правам сè да ми дојдете во прегратка. Јас сум личност која крајно ја осудува неправдата.. И секоја направена штета не може да помине неказнето. Веќе пет дена како не сум им го слушнала гласот. Кога го контактирам семејството ме игнорираат. Каде им е душата? Ако се обидам повторно да се јавам, ме блокираат. Не е ни чудо што се случува корона. Луѓе, сè отиде во пропаст. Јас веќе не можам да молчам. Сите нека дознаат што ми е направено!“, напиша Тања во коментарот.
Пред извесно време Тања раскажа дека два дена не знаела каде ѝ се децата бидејќи нејзиниот сопруг го исклучил телефонот, па на крајот морала целиот случај да го пријави во полиција.
За случајот со српската пејачка пишуваше и Дејли мејл.