Талибанците ќе мора да си ги отпуштат синовите кои ги вработиле на владини позиции

Талибанци во Авганистан / Фото: AFP / AFP / Profimedia

Лидерот на талибанците им наредил на авганистанските функционери да ги отпуштат роднините што ги вработиле на владини позиции. Указот на Хибатула Ахунџада вели дека службениците треба да ги заменат назначените синови или други членови на семејството – и да се воздржат од ангажирање роднини во иднина, пишува „Би-Би-Си“.

Талибанците отпуштија дел од високиот персонал кога ја презедоа власта во 2021 година, додека други избегаа. Постојат тврдења дека биле вработувани неискусни кадри врз основа на нивните лични врски.

Авганистанскиот исламски печат, со седиште во Пешавар, Пакистан, објави дека декретот следи по наводите дека неколку високи талибански функционери ги назначиле своите синови на улоги во владата.

Авганистан се соочи со продлабочена економска и хуманитарна криза откако талибанците навлегоа во Кабул и ја вратија контролата врз земјата. Странските воени сили беа во земјата две децении, водејќи војна во која загинаа десетици илјади, а беа раселени милиони други.

Оттогаш, санкции се воведени на членовите на талибанската влада, средствата на централната банка во странство се замрзнати, а поголемиот дел од странските финансирања се суспендирани.

Се проценува дека Авганистан има природни ресурси – вклучително природен гас, бакар и ретки земји – вредни повеќе од 1 трилиони долари (831,5 милијарди фунти), но тие резерви остануваат неискористени поради децениските превирања во земјата.

Третманот на талибанската влада кон жените ја налути меѓународната заедница и ја зголеми нејзината изолација додека нејзината економија пропаѓа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот