Талат Џафери го опомена Мицевски да го чита Деловникот и да не дофрла
Собранискиот претседател Талат Џафери денеска на седница го опомена пратеникот од ВМРО-ДПМНЕ, Никола Мицевски да го чита Деловникот и да не дофрла од место.
Конфликт настана околу интерпелациите. Спикерот не ги стави на дневен ред интерпелациите иницирани од опозицијата за министерот за правда, Бојан Маричиќ и вицепремиерот Љупчо Николовски.
„Не дофрлувај од таму читајте си го Деловникот и ќе видите страна 17 и видете ги членовите и ќе видете што е што. А, не Талат Џафери и престанете да дофрлувате од место“, рече Џафери.
Мицевски на прес конференција изјави дека парламентарното мнозинство намерно ја тргна интерпелацијата од дневен ред за да нема дебата за неуспесите на овие две ресори. Последна на дневен ред на денешната седница е интерпелацијата на министерот за внатрешни работи, Оливер Спасовски. На последните седници Џафери и Мицевски си разменија остри зборови.