Тајван пријави прв смртен случај од Ковид-19

Според министерот, еден од членовите на семејството на починатиот исто така се заразил со вирусот.

Во Тајван е пријавен првиот смртен случај предизвикан од Ковид-19, информира денеска тајванскиот министер за здравство Чен Шин-Чунг.

Починатиот бил на возраст од 60-тина години и бил хоспитализиран на 3 февруари поради опструкција на дишните патишта, што довело до дијагностицирање на пневмонија. Тој починал доцна синоќа, изјави Чен.

Според министерот, еден од членовите на семејството на починатиот исто така се заразил со вирусот.

Чен додаде дека околу 60 членови на медицинскиот персонал, кои биле во директен контакт со пациентот, се негативни на вирусот.

Починатиот бил таксист од централниот дел на Тајван, и не патувал во странство. Сепак, тој работел за патници кои се враќале од Кина, Хонг Конг и Макао.

Покрената е истрага за да се идентификуваат луѓето со кои можеби имал контакт, рече Чен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот