Тајсон Фјури потврди: За Џошуа е готово, ниту еден договор не е потпишан!
Британскиот шампион во тешка категорија во верзијата ВБЦ, Тајсон Фјури, ја информираше јавноста дека нема да има борба со Ентони Џошуа, велејќи дека неговиот сонародник не потпишал договор пред истекот на рокот во понеделник.
– Официјално е, Денот „Д“ дојде и помина. Ниту еден договор не е потпишан, така што за Џошуа е готово – рече Фјури на Инстаграм.
Сè уште нема никаква потврда од Џошуа и покрај тоа што договорите беа издадени и испратени минатиот петок.
"It's officially over!"@Tyson_Fury's contract deadline for @AnthonyJoshua has now passed, and the fight is OFF ❌🥊 pic.twitter.com/glm0LFNgEo
— Amazon Prime Video Sport (@primevideosport) September 26, 2022
Тајсон одлучи да постави рок до понеделник, 26 септември во 17.00 часот за Џошуа да потпише договор за борба против него, а Џошуа одговори дека договорите во моментов ги разгледуваат неговите адвокати.
Неговиот промотор Еди Херн, во меѓувреме, инсистира дека нема шанси да се финализира договорот пред крајниот рок на Фјури во понеделник.
Фјури веќе избра замена и на 3 декември ќе се бори со поранешниот шампион на ВБА во тешка категорија, Махмуд Чар, откако 37-годишниот Германец го предизвика на борба на социјалните мрежи.