Боксерот Тајсон Фјури ќе бара 500 милиони фунти или долари за да се врати на рингот и да боксува против победникот од мечот помеѓу Олекснадр Усик и Ентони Џошуа, во меч за апсолутен светски првак во тешка категорија.

Се уште актуелниот шампион во верзијата ВБЦ изјави дека тој останува во пензија и само сума од половина милијарда фунти, односно долари, може да го натера да се врати меѓу јажињата.

Претходно имаше информации дека Фјури би се вратил на рингот и за 200 милиони фунти, но Британецот го отфрли ова и ја кажа сумата за која би подлегнал на искушението повторно да боксува.

– Веројатно би барал половина млијарда да се вратам на рингот. Ви ја зборувам вистината, ако сакате да го прекинам пенизонирањето тоа ќе чини половина милијарда. Долари или фунти не е важно, само да е половина милијарда – изјавил „џипски кинг“.

Во август во Саудиска Арабија Усик и Џошуа треба да се сретнат во реванш меч за титулите во верзиите ВБА, ИБФ и ВБО. Минатата година овие двајца имаа меч во кој Украинецот го победи Британецот и е ностел на споменатите титули.