Швајцарскиот управен суд смета дека Лаубер „сериозно ги прекршил“ правилата и должностите да биде служи и да биде верен на обвинителството, додека самиот обвинител вчера изјави дека во интерес на неговата сега веќе поранешна институција си поднел оставка.

Судот објави дека Лаубер меѓу другото намерно премолчал дека бил на три тајни состаноци со претседателот на ФИФА, а за кои сите петмина кои учествувале во нив, не се сеќаваат дека се одржале.
„Таква дупка во помнењето на неколку учесници може да се смета да апсурдна“, објави судот.

Во времето кога имал состаноци со Инфантино, обвинителот Лаубер истражувал неколку сомнителни случаи во кои е вмешана ФИФА како што се доделувањето на Светските првенства 2018 и 2022 година. Лаубер претходно ги развлекувал истрагите против германски фудбалски функционери поради сомнителните уплати поврзани со СП 2006 година поради што обвиненијата неодамна застареа.

Швајцарското обвинителство поради тајните состаноци на Лаубер со Инфантино покрена дисциплинска постапка уште во мај 2019 година додека во март оваа година му беше намалена платата за осум проценти поради што обвинителот се жалеше во државниот управен суд.