Тајната на Викторија Бекам: Листа на најдобри и најздрави производи за блескава кожа
Исхраната има големо, дури пресудно влијание на изгледот и убавината на нашата кожа, а тоа посебно се однесува на кожата на лицето. Нејзиниот изглед е одраз на нашето здравје, а нездравите производи и неурамнотежената исхрана предизвикуваат изморен изглед, сув тен, појава на акни… Тоа многу добро го знае модната дизајнерка Викторија Бекам, која за да има блескав тен, секој ден јаде лосос.
– Имав многу проблематична кожа, а потоа во Лос Анџелес го запознав дерматологот Херолд Ланкер, кој е навистина неверојатен. Ми рече да јадам лосос секој ден. Зачудено го прашав, „Навистина баш секој ден?“, тој рече „Да, за појадок, ручек и вечера“ – вели познатата „спајсица“.
Доколку не можете да ги следите гастрономските навики на Викторија Бекам, сепак водете сметка што јадете, а листата на најдобри и најздрави производи за блескава кожа на лицето е следна:
Авокадо
Авокадото е богато со Б комплекс, кој ја храни кожата внатрешно и надворешно. Витаминот Б3 (ниацинот), важен е за здрава кожа, а ја негува иритираната и оштетената кожа однадвор.
Манго
Кралот на овошјето, мангото, го содржи витаминот А, а недостатокот од тој витамин резултира со сув тен. Витаминот А делува како антиоксиданс и се бори против слободните радикали кои предизвикуваат предвремено стареење.
Зрнесто овошје
Зрнестото овошје, како што се боровинки, малини, капини, брусница, богато е со антиоксиданси и фитохемикалии, кои ги штитат ќелиите на кожата.
Домати
Ликопенот кој се наоѓа во доматите помага во борбата против слободните радикали и ја штити кожата од УВ зраците. Повеќе ликопен и нутрионати кои штитат од сонцето ќе ги добиете во сосот од домати.
Зелен лиснат зеленчук
Во спанаќ, кељ, брокула и друг зелен лиснат зеленчук, но и во морковите се наоѓа витаминот А, кој ја чисти кожата од акни.
Бадеми
Бадемите се богати со витаминот Е кој ја хидрира сувата кожа и ја штити од оштетување кое го предизвикуваат УВ зраците, како и од прерано стареење.
Кравјо сирење
Млечните производи се богати со калциум и селен. Главниот минерал селен, во комбинација со витаминот Е се бори против слободните радикали и делува како силен антиоксиданс.
Зелен чај
Состојката на зелениот чај катехин, ја штити кожата од прерано стареење и оштетувањата предизвикани од УВ зраците, како и од рак на кожата.
Компир
Секако мрсните пржени компирчиња не се здрави за кожата, но печениот компир е богат со бакар, минерал кој со витаминот Ц и цинкот произведува еластински влакна, кои се важни за структурата на кожата.
Ленено и маслиново масло
Омега 3 масната киселина е важна за здрава кожа, а за оние што не сакаат риба, одличен извор се лененото и маслиновото масло. Есенцијалните масни киселини добро делуваат на порите и го контролираат лачењето на себум.
