Русија спроведува кампања на дезинформаци за ширење на паника во врска со вакцината што ја развива универзитетот во Оксфорд, објави британскиот весник „Тајмс”.

Весникот забележува дека кампањата издала предупредувања дека вакцината може да ги претвори луѓето во мајмуни, затоа што вирусот на шимпанзата бил користен како вирусен вектор.

Изданието нагласува дека Русија напаѓа држави каде сака да ја продава руската вакцина „Спутник V“, како и во западните земји.

„АстраЗенека“, фармацевтскиот гигант, кој планира масовно да ја произведува вакцината на Универзитетот во Оксфорд, ако биде дозволена, коментира дека дезинформациите се голем ризик по јавното здравје.

Претходно оваа недела, рускиот лидер Владимир Путин објави дека во Русија е развиена втора вакцина против ковид-19.