Тага во Србија: Почина 20-годишна жена од коронавирус, бремена со близнаци

Ковид клиника Србија
Фото: ЕПА/ЕФЕ

Дваесетгодишна жена од Књажевац, која била бремена со близнаци, починала синоќа во Клиничкиот центар во Ниш, од последиците од ковид-19, потврдија за српските медиуми од оваа здравствена установа.

– Трудница од Књажевац на возраст од 20 години во четвртиот месец од бременоста почина ноќеска во 23.30 часот. Жената е примена на 2. октомври со ниска сатурација од 80 отсто и веднаш е формиран мултидисциплинарен тим лекари кои ја следеа нејзината состојба, а во кој беа анестезиолог, инфектолог, пулмолог и гинеколог. Следниот ден поради влошување на состојбата приклучена е на респиратор, изјави д-р Зоран Перишиќ, директор на нишкиот Клинички центар.

Потоа бремената жена е префрлена во единицата за интензивна нега и приклучена на машина за дишење, на 3. октомври, а почина на 5. октомври, и покрај напорите на лекарите да и го спасат животот, изјави докторот нагласувајќи дека бремената жена не била вакцинирана.

Од април досега ова е шести трагичен случај на почината трудница или родилка заразена од коронавирус. Од друга страна многу бремени жени во Србија како и оние кои планираат бременост се исплашени и збунети од различните ставови кои се пласираат во јавноста во врска со бременоста и вакцинацијата.

Сепак, членот на српскиот Кризен штаб за борба против ковид-19, епидемиолог и професор, д-р Бранислав Тиодоровиќ предупредува дека препораката од Асоцијацијата на гинеколози на САД како и од домашната фела е дека бремените жени и родилките треба да се вакцинираат зошто така ќе се заштитат и себеси и својот плод.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот