Тага во Црна Гора: Почина млад 21-годишен фудбалер во сообраќајна несреќа
Мирза Ѓурѓевиќ, младиот фудбалер на црногорскиот клуб Језеро починал по сообраќајна несреќа во четвртокот. 21-годишниот Ѓурѓевиќ им подлегнал на повредите во судир во кој учествувале четири возила, а тој е единствениот кој бил повреден.
Лекарите се бореле за него повеќе од 24 часа, фудбалерот имал повреди на главата, во петокот бил во несвест и не преживеал.
Несреќата се случила кај селото Сјерогоште кај Колашин, а Ѓурѓевиќ починал во петокот вечерта.
Важеше за еден од најталентираните фудбалери во Црна Гора, настапуваше во помладите категории на Будуќност, а настапуваше и за Отрант-Олимпик од Улцињ.
Во црногорската Телеком 1 лига одигра 63 натпревари, а последниот против Подгорица на „ДГ Арена“ минатата сабота.
Crna Gora tuguje – nekadašnji đak naše omladinske škole Mirza Đurđević je preminuo od posljedica saobraćajne nesreće. 🖤
Posljednji pozdrav Mirza, bori se i vladaj nebeskim terenima. Saučešće porodici. 🔵⚪ pic.twitter.com/RPuopKMkXF
— FK Budućnost PG (@FK_Buducnost_PG) November 27, 2021