Тажна вест утрово пристигнува од Бразил каде што почина фудбалерот Габриел Протасио Гомеш Попо кој настапуваше за нисколигашот Де Жау од Сао Паоло.

Како што пренесуваат медиумите тој почина пред натпреварот против Униао Сузано во регионалното натпреварувања, а имал само 26 години.

Фудбалерот не бил во комбинација за настап за натпреварот, но сепак пристигнал во клупските простории каде што бил пронајден од негов соиграч додека бил во бесознание. Набрзо бил однесен и во болница, сепак не успеале да го спасат неговиот живот.

„Габриел засекогаш ќе остане во нашите срца, никогаш не можете да бидете подготвени за вакви збогувања. Прерано не напушти, но неговата радост, талент и страст ќе живеат во секој од нас. Попо ќе играме и ќе победуваме за тебе, ќе се вратиме посилни“, објави неговиот клуб.