Во Мадрид вчера е одржан состано помеѓу шефовите на Реал Мадрид и на Тотенхем, јавуваат шпанските медиуми. Состанокот требаше да биде таен, но новинарите успеаја да откријат за средбата.

Делегациите ги предводеа претседателите Флорентино Перез и Даниел Леви, а тема на разговорот беше и зимскиот и летниот преоден рок.
Според медиумите, Леви во Мадрид дошол по својот поранешен играч, Герет Бејл, а за возврат го понудил најдобриот играч на Тотенхем, Хари Кејн. Притоа првиот човек на Тотенхем побара голема сума на пари кои Реал Мадрид треба да доплати за реализација на трансферот.

Проблем во преговорите може да претставува проценката на вредноста на фудбалерите. Англиските медиуми пишуваат дека Леви сака да го продаде Хару Кејн за да ги амортизира трошоците за изградбата на новиот стадион кој го чинеше Тотенхем повеќе од милијарда евра.

Во Тотенхем сметаат дека летниот преоден рок е идеално време да се продаде најдобриот и најскап фудбалер, а Леви за него бара најмалку 250 милиони евра.

Реал Мадрид сака да го ангажира Кејн, но не му се допаѓа цената. „Кралевите“ ќе ја прифатат споменатата бројка доколку Тотенхем ја прифати нивната проценка на вредноста на Герет Бејл, која изнесува околу 110 милиони евра.