Тачи ќе се сретне со Вучиќ
Косовскиот претседател Хашим Тачи за неколку дена ќе реализира нова средба со неговиот српски колега, Александар Вучиќ во Словачка, пишува денеска дневниот весник “Газета Експресс “.
“Газета Експрес“ дознава оти на 6 јуни Тачи патува за Братислава, Словачка, каде ќе учествува на конференција заедно со српскиот претседател Александар Вучиќ.
Весникот го контактирал Кабинетот на косовскиот претседател за ова патување, но не добиле одговор.
Словачките медиуми јавуваат дека конференцијата Глобсек е трета по големина во светот, а на нејзе учествуваат илјадници светски лица од 60 земји. Конференцијата ќе се одржи на 6,7 и 8 јуни. Од Канцеларијата на косовскиот претседател досега не е објавена ниту една инфрмација за отпатувањето на Тачи во Братислава.