Тачи го возвраќа ударот: Помирувањето не може да се постигне ако се негираат злосторствата

Претседателот на Косово, Хашим Тачи реагираше на изјавата на српскиот претседател, Александар Вучиќ, кој ја оцени како „застрашувачка” одлуката на судот во Приштина за поранешниот министер за администрација и локална самоуправа во косовската влада, Иван Тодосијевиќ.

Имено Иван Тодосијевиќ е осуден на две години затвор, а Вучиќ рече дека тој е „чесен Србин од Звечан” и дека во 1999 година во Рачак се работело за „фабрикувано злосторство, каде што сè било фалсификувано од светскиот хохштаплер и измамник Вилијам Вокер”.

Тачи рече дека мирот, помирувањето, стабилноста и правдата не може да се постигне ако се негираат злосторствата.

-Гледам дека официјални лица на Србија не го признаваат едно од најголемите злосторства врз цивилите кое се случило во Европа, кое е потврдено од Трибуналот за Воени Злосторства во Хаг, како што е Рачак. Геноцидните политики на Србија не може да се бранат. Тие треба да бидат осудени. Мирот, помирувањето, стабилноста и правдата не може да се постигне ако се негираат криминалните дела- напиша Тачи.

Вучиќ: Пресудата на судот за поранешниот косовски министер е застрашувачка, се работи за фабрикувано злосторство

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот