Тачи: Добрите вести за Приштина секогаш пристигнуваат од Вашингтон

Фото: ЕПА

„Имам целосна доверба дека состанокот во Вашингтон ќе придонесе за внатрешна и меѓународна консолидација на Косово“, додаде тој.

Добрите вести за Приштина секогаш доаѓаат од Вашингтон, рече денеска косовскиот претседател Хашим Тачи, пред состанокот кој на 27 јуни ќе се одржи во Вашингтон, на кој Белград и Приштина ги повика специјалниот пратеник на САД Ричард Гренел.

Тачи на конференцијата за новинари рече дека тоа ќе се случува и во иднина.

Одиме во Вашингтон со стабилни принципи. Сметаме дека најавениот состанок е историска пресвртница и единствена можност за започнување на многу тежок процес, но неопходен за постигнување на мир. Косовската делегација е подготвена достоинствено да ги застапува интересите на Косово“, рече Тачи, пренесува Коха.

Инаку, во Белата куќа почна и “слободата и независноста на Косово“ и поради тоа САД уживаат почитување од приштинските институции.

„Го трасираме патот на меѓусебно признавање, воспоставување на меѓудржавните односи и отворање на патот кон членство во меѓународните организации. Поради тоа имам целосна доверба дека состанокот во Вашингтон ќе придонесе за внатрешна и меѓународна консолидација на Косово“, додаде тој.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот