Тачи бара од косовското Собрание да му забрани на Хоти да преговара за Заедницата на српски општини

Косовскиот претседател Хашим Тачи побара од републичкото Собрание итно да усвои резолуција со која ќе му се забрани на премиерот Авдулах Хоти да преговара за формирање Заедница на српски општини (ЗСО) во Косово, што е една од темите на актуелните косовско-српски преговори кои се водат во Брисел, јави дописникот на МИА од Приштина.

Во денешното соопштение од канцеларијата на Тачи се наведува дека Хоти треба да се спречи да преговара „за внатрешни работи на Косово и за теми кои го загрозуваат внатрешниот поредок на државата”.

– Собранието на Косово треба итно да го истретира овој опасен чекор на Владата на Косово во дијалогот во Брисел. Исто така, итно треба да се изгласа резолуција со која на премиерот му се забранува да преговара за внатрешни работи на Косово и за теми кои го загрозуваат внатрешниот поредок на државата, се вели во соопштението од претседателскиот кабинет.

Според Тачи, отворањето на темите за правата на заедниците и ЗСО, „кои се решени со пакетот на (специјалниот пратеник на ОН за Косово, Марти) Ахтисари”, претставува „голема и опасна грешка” и ќе значи „репродукција на Република Српска на територијата на Косово”.

– Тоа е голем удар врз државноста и повреда на суверенитетот на нашата држава. (…) Косово не може по ниту една цена никогаш да дозволи на нејзина територија да се формира политички ентитет кој би претставувал репродукција на Република Српска на територијата на Косово, порача косовскиот претседател.

Според Тачи, и разговорите за имотните прашања, кои се исто така дел од агендата на косовско-српските преговори кои моментално се одвиваат на експертско ниво во Брисел, „се спротивни на Уставот и законите на Косово и претставуваат повреда на суверенитетот на државата”.

Пренесувајќи го соопштението, дел од медиумите во Приштина потсетуваат дека во 2015 година токму Тачи, тогаш како премиер и главен преговарач со Србија, во Брисел го потпиша договорот за формирање на Заедницата на општини со мнозинско српско население во Косово.

Порано денеска премиерот Хоти, на трибина на граѓанскиот сектор посветена на дијалогот со Србија, порача дека ЗСО нема да добие извршни надлежности и дека секој договор што ќе се постигне со Белград ќе биде во рамките на Уставот и во ниту еден случај нема да се преговара за територијалниот интегритет  и суверенитетот на Косово.

– Не преговараме за креативни решенија, туку за меѓусебно признавање на двете држави. За територијалниот интегритет на Република Косово не може да се преговара. Тоа прашање не е спомнато на ниту една дебата на која јас сум учествувал. Договорот и процесот треба да завршат со нормализирање на односите меѓу двете држави, што значи со меѓусебно признавање, порача Хоти. 

Хоти: Белград се согласи на процес, чиј исход мора да биде признавање

Прочитајте и...  Трамп го ограничи приемот на бегалци во САД на рекордно ниско ниво

Прочитај повеќе

Пендаровски во говор на 75. сесија на ОН: Постигнавме значаен напредок во учеството на жените во политиката

Слободен печат

Анти-ковид вакцината на „Модерна” нема да биде достапна до претседателските избори во САД

Слободен печат

Заев на 8 октомври на средба со Столтенберг во седиштето на НАТО

Слободен печат

Полскиот министер за здравство со предупредување до нацијата: Можна е ескалација на пандемијата

Слободен печат

Рот со порака до Димитров: Ги исполнивте условите, преговорите треба да почнат што побргу

Слободен печат

Црна Гора: Почна новата учебна година под посебни епидемиолошки мерки

Слободен печат

Остави Коментар

Прочитај повеќе

Роденденско изненадување во Берлин: Михаел Рот го пречека Димитров со торта и свеќичка (ВИДЕО)

Слободен печат

Решение на Општина Центар: Рок од три дена за отстранување на челичната конструкција пред гостилницата „Аманет”

Слободен печат

Нема закон за вонредна состојба, затоа има разногласие околу уредбите

Весна Тодоровска

ВМРО-ДПМНЕ на мисла да иницира постапка за импичмент на претседателот Пендаровски

Слободен печат

Песков во име на Путин: Тврдењата на Навални се навредливи и неприфатливи

Слободен печат

Иран на секои 23 секунди пријавува нов случај на коронавирус

Слободен печат