По третиот натпреварувачки ден на Олимписките игри во Токио, домаќинот Јапонија избо на првото место на најуспешни нации. Јапонците имаат осум златни медали од вкупно 13 освоени, додека на второто место се искачи САД кој има седум златни одличја од вкупно 14 освоени медали.

Лидерот од првите два дена, Кина падна на третото место со шест златни медали, но и понатаму е најдобра во вкупниот број на освоени медали, со 18.
На четвртото место се проби Русија, односно Рускиот олимписки комитет кој има 12 освоени медали, од кои четири се златни.

На листата на освојувачи на златни медали се запишаа Словенија и Хрватска. Кануистот Бенјамин Савшек и го донесе златниот медал на Словенија, додека Матеа Јелиќ беше најдобра во таекводно и ја запиша Хрватска меѓу освојувачите на златни медали.