Табела на медали: Дејан Георгиевски ја стави Македонија меѓу освојувачите на трофеи
Македонија конечно дочека да биде на листата на освојувачи на медали на едни Олимписки игри и тоа благодарение на 22-годишниот таеквондист Дејан Георгиевски.
Георгиевски го освои сребрениот медал во категоријата над 80 килограми, тој во финалето загуби од првиот фаворит Ларкин од Русија со 15:9.
На листата на освојувачи на златни медали се запиша и Србија и тоа благодарение на таеквондистката Милица Мандиќ која триумфира во категоријата над 67 килограми. Србија сега има три медали, по еден златен, сребрен и бронзен.
На врвот на листата на освојувачи на медали останува Јапонија која има 10 златни медали, додека САД и Кина имаат по едно златно одличје помалку. САД пак има највеќе освоено медали, вкупно 25 или четири повеќе од Кина.
На четвртото место се наоѓа Русија, односно Рускиот олимписки комитет со седум златни медали, додека Велика Британија досега има освоено четири златни одличја.