На денешен ден, пред точно 15 години, Ливерпул го совлада Челси во реванш натпреварот од полуфиналето во Лигата на шампионите со 1:0 и така обезбеди „билет“ за Истанбул и оној легендарен финален меч против Милан.

Првиот меч заврши 0:0. Но, и натаму не е познато дали на возвратната пресметка погодокот на Луис Гарсија на почетокот од дуелот беше регуларен против лондонските „сини“.

Џерард ја упати топката во казнетиот простор, Чех го собори Барош, главниот судија не покажа на белата точка, продолжи играта, Гарсија го смени правецот на топката кон голот на Челси.


Мрежата не беше затресена, Вилијам Галас ја отстрани топката, но според судиите топката ја поминала гол-линијата, но и натаму не можеме да бидеме сигурни.

Уште една од причините зошто сега имаме ВАР ангажиран за сомнителните одлуки на натпреварите, но пред 15 години ваквата технологија сеуште не се постоеше.

Финалето таа сезона во ЛШ беше приказна за себе, Милан на паузата имаше водство од 3:0, но Редси не се предадоа, израмнија на 3:3, а потоа преку пенал серијата го освоија трофејот.