Мисаки Дои (28) беше поразена од Германката Јулија Гергес, по сетови 5:7, 6:1 и 6:3. Но, ваквиот резултат беше во втор план, односно мечот го одбележа непримерниот коментар кој го имаше тренерот Кристиан Захалка во моментите кога ѝ даваше совети на Јапонката Дои во текот на дуелот.

При резултат 5:4 во првиот сет, таа го повика тренерот на консултација. Во текот на разговорот, тој алудирајќи на силните сервиси на Гергес, рече:

– Знам, тоа е како да играш против Иво Карловиќ со големи гради – беа зборовите на тренерот на Дои.

yup … pic.twitter.com/Tuer3d5OVy

— Nawal (@NawalNadal) October 16, 2019

Хрватскиот тенисер Иво Карловиќ е познат по силните сервиси, во својата 19-годишна кариера забележал повеќе од 13.500 асови.

Јулија Гергес во светот на ВТА е позната исто така по силниот сервис, а оваа сезона веќе ги има вкупно 258.

Ова е уште еден сексистички испад на тениските мечеви, на почетокот од месец октомври главен судија беше суспендиран поради непримерни коментари кон малолетно девојче кое ги собираше топчињата.