СЗО за насилството врз жените: Ковид ја отежнува и онака драматичната состојба

Фото: Википедиа

Една третина од жените во светот се жртви на физичко, особено сексуално насилство, предупреди денеска Светската здравствена организација (СЗО), а пандемијата само ја влошува ситуацијата. Околу 736 милиони девојки и жени постари од 15 години претрпеле напад, најчесто од партнерите истакнува СЗО во новиот извештај објавен ден по Меѓународниот ден на жената.

– Насилството врз жените е ендемско зло во сите земји и сите култури и им штети на милиони жени и нивните семејства, предупреди генералниот директор на СЗО, Тедрос Аданом Гебрејесус.

– Иако досега нема цврсти докази, негативното влијание на пандемијата која трае до една година е јасно, принудувајќи стотици милиони луѓе да останат дома и предизвика светска економска криза, изјави д-р Клаудија Гарсија-Морено, коавторка на извештајот.

– Знаеме дека ситуацијата на многу жени се влоши, рече таа и откри дека 641 милиони жени, или 26 проценти од сите над 15-годишна возраст, биле жртви на насилство од партнерот.

Покрај тоа, финансиските тешкотии и стресот како резултат на децата дома и други проблеми поврзани со пандемијата може да предизвикаат ново насилство, додаде таа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот