Светската здравствена организација СЗО донела одлука зависноста од видеоигрите да се стави на листата болести на зависност, пишува Телеграф. Овој облик на потреметување е прогласено за психичко пореметување, а одлуката ја донеле 194 членови на 72. регуларно собрание на СЗО.

Претставниците на СЗО навеле дека станува збор за играњето видеоигри кои предизвикуваат сериозно пореметување и се сметаат за модел на ненормално однесување кога лицата поминуваат 8 до 10 часа во континуитет играјќи игри секој ден, а за тоа време ги запоставуваат личните и професионалните обврски.
Овие лица главно престануваат да водат сметка за личната хигиена, исхраната, редовното спиење или дури и ги запоставуваат членовите на семејствпото.

Лицата кои се зависни од видеоигрите во целост губат чувство за простор и време, за луѓето околу себе, за членовите на семејството, за работните обврски и навиките. Покрај тоа, кај ваквите лица поизразени се различните психички состојби како депресијата и прекумерната потреба за сон предизвикани од повеќечасовното „сурфање“ и играње видеоигри.