СЗО вели дека мајките заразени со ковид-19 треба да ги дојат своите бебиња (ВИДЕО)
Светската здравствена организација вчерашната прес-конференција ја посвети на мајчинството, на децата, на доењето, Мајките треба да ги дојат своите бебиња дури и ако се потврди дека имаат коронавирус, објави Светската здравствена организација (СЗО).
– Врз основа на достапните докази, совет на СЗО е дека придобивките од доењето ги надминуваат сите потенцијални ризици од пренесување на Ковид-19, изјави шефот на СЗО, Тедрос Аданом Габриезус, на прес-конференцијата во Женева.
.@WHO has investigated risks of women transmitting #COVID19 during breastfeeding & developed guidance on how to breastfeed safely.
We also developed guidance on self-care interventions to enable women to access services they need during the pandemic: https://t.co/CdIA3Jx5wq pic.twitter.com/GQBr9SS8KQ— Tedros Adhanom Ghebreyesus (@DrTedros) June 12, 2020
Тедрос истакна дека децата имаат помал ризик од инфекција со коронавирус отколку возрасните, но има поголем ризик од развој на болести и други состојби што доењето може да ги спречи.
– Мајките за кои постои сомневање дека имаат Ковид-19 или е докажано дека го имаат, треба да бидат охрабрени да започнат или продолжат со доењето и да не се одвојуваат од своите бебиња, освен ако мајката е премногу болна, рече тој.