Светската здравствена организација (СЗО) не знае кога ќе заврши пандемијата на Ковид-19, но верува дека вирусот ќе биде ставен под контрола за две години, соопшти нејзината прес-служба.

Денеска се навршуваат точно шест месеци по прогласувањето на глобална пандемија на коронавоирусот, иако СЗО првично сметаше болеста е со неколку жаришта во светот.

 – Од оваа гледна точка, не можеме да кажеме кога ќе заврши пандемијата, но можно е, со глобални напори и модерна технологија, да биде ставена под контрола за неколку години, се наведува во соопштението.

Од СЗО истакнуваат дека државите треба да се фокусираат на четири приоритети – спречување на ширење на вирусот, оспособување на луѓето да се заштитат, основите на јавното здравје и заштита на ранливите категории, вклучително и стари лица и лица со посебни потреби.

СЗО, исто така, смета дека шест месеци по прогласувањето на пандемијата, вирусот остана заразен на ист начин.

– Човечките вируси можат да напредуваат, да станат помалку или повеќе патогени. Врз основа на сегашната евиденција, на повеќе од 80.000 геномски примероци, утврдено е дека преносливоста и сериозноста на вирусот не се променети”, наведува СЗО, додавајќи дека промените кај вирусот постојано се следат.