СЗО: Само во Европа расте бројот на смртни случаи од ковид-19

Ковид клиника Србија
Ковид клиника во Србија. / Фото: ЕПА

Светската здравствена организација (СЗО) соопшти дека бројот на смртни случаи во Европа се зголемил за 5 отсто минатата недела и дека Европа е единствениот регион во светот со зголемување на смртните случаи од ковид-19.

Таа додаде дека бројот на потврдени случаи на инфекција е зголемен за 6% на глобално ниво. Од 3,3 милиони нови случаи – 2,1 милиони се регистрирани во Европа. Ова е седма недела по ред како расте бројот на нови случаи на инфекција со Ковид во 61 земја во европскиот регион, кој се протега од Русија до Централна Азија.

Во Норвешка, смртноста од Ковид се зголеми за 67 проценти

СЗО вчера соопшти дека бројот на смртни случаи од коронавирусот е стабилен или опаѓа насекаде во светот, освен во Европа. Тие додадоа дека бројот на нови инфекции во Африка, Блискиот Исток и Југоисточна Азија опаѓа од јули, пишува АП.

Во Европа, најголем број нови случаи се забележани во Русија, Германија и Велика Британија. СЗО забележува дека смртноста од Ковид е зголемена за 67 отсто во Норвешка и за 38 отсто во Словачка.

Видео на денот