СЗО: Ризикот од омикрон останува многу висок
Светската здравствена организација (СЗО) денеска издаде соопштение за омикрон, во кое се наведува дека ризикот поврзан со овој вид останува „многу висок“.
„Врз основа на достапните докази, ризикот поврзан со омикронот останува висок. Омикрон е многу позаразлив од делтата, што доведува до големо ширење во заедницата, а со тоа и поголема инциденца отколку што сме виделе во пандемијата претходно“, соопшти СЗО, пишува Гардијан.
СЗО додава дека, и покрај тоа што е помала веројатноста да има сериозен тек на болеста од претходните видови, таа е многу заразна, што резултира со зголемени хоспитализации и продолжување со притисок врз здравствениот систем во многу земји, што може да доведе до значителна смртност. особено кај чувствителните луѓе.
„Во многу земји се пријавени многу хоспитализации и интензивна нега, бидејќи тоа се нивоа на инфекција што не ги видовме за време на пандемијата. Потребни се повеќе податоци за да се разбере јачината на сојот, според потрошувачката на кислород, употребата на респиратори и смртните случаи на омикрон“, додаваат од СЗО.