Светската здравствена организација (СЗО) денеска ги повика сите земји да ги засилат програмите за тестирање како најдобар начин да ја забават пандемијата на вирусот Ковид-19.

– Имаме едноставна порака за сите земји – тест, тест, тест, рече генералниот директор на СЗО, Тедрос Аданом Гебрејесус на прес-конференција во Женева.

– Деновиве забележавме затворање на многу јавни објекти, училишта, граници и апели за социјално дистанцирање. Тоа треба да се искористи за да се засилат програмите. Без тестирање, случаите не можат да бидат изолирани и синџирот на инфекција нема да биде „разбиен”, додаде тој.

We have a simple message for all countries fighting #COVID19: test, test, test.
The most effective way to prevent #coronavirus infections and save lives is breaking the chains of transmission. And to do that, you must test and isolate. https://t.co/cOOs5wMCZE

— Tedros Adhanom Ghebreyesus (@DrTedros) March 16, 2020